Komuna dhe Fondacioni Kosovë-Luksemburg e bëjnë me fushë sportive Budrikën

11 Tetor 2016 - 09:49      

Viti, 11 tetor - Qeverisja komunale e Vitisë në bashkëpunim me fondacionin Kosovë-Luksemburg ka filluar punimet në ndërtimin e fushës sportive në paralelen e ndarë të shkollës së mesme të ulët “Nazmi Pajaziti” të fshatit Budrikë.

Ky investim, sipas përfaqësuesve të qeverisjes komunale, është duke u bërë me qëllim që të rinjtë e këtij fshati të kenë një vend ku do të kenë mundësi që të zhvillojnë veprimtaritë sportive dhe rekreacionit, shkruan sot “Koha Ditore”.

Kryetari i komunës së Vitisë, Sokol Haliti, ka deklaruar se ata janë duke realizuar projekte të përbashkëta me fondacionin Kosovë-Luksemburg falë bashkëpunimit të mirë që kanë dhe se ky bashkëpunim është duke sjellë fryte për banorët e kësaj komune.

“Ky projekt po realizohet në kuadër të një bashkëpunimi shumë të mirë të Komunës me Fondacionin-Kosovë Luksemburg, duke shtuar se me këtë fondacion janë realizuar dhe po realizohen disa projekte që janë në interes të qytetarëve vitias”, ka thënë ai... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.