Bunjaki fajësohet nga kolegët për fiaskon

11 Tetor 2016 - 08:45      

E përbashkëta e dy ndeshjeve të fundit të Përfaqësueses së Kosovës në eliminatore për Botërorin "Rusia 2018" ishte zhgënjimi, por trajnerët kosovarë, përtej kësaj ndjenje që kanë përjetuar në radhë të parë tifozët, mundohen të japin arsyet e këtyre rezultateve dëshpëruese. Sipas tyre, Kosova ka shumë pika të dobëta, e të cilat lidhen me punën e trajnerit Albert Bunjaki.

Në dy ndeshje që Kosova i zhvilloi brenda tri ditëve pranoi nëntë gola dhe nuk shënoi asnjë: kundër Kroacisë humbi (0:6), kurse kundër Ukrainës (3:0). Pas tri xhirove zë vendin e fundit në Grupin I me një pikë të mbledhur. Një pikë e ka edhe Finlanda, por që ka golaverazh më të mirë sesa Kosova, shkruan Koha Ditore.

Trajnerët kosovarë kanë reaguar në mënyra të ndryshme pas paraqitjeve zhgënjyese, fillimisht në Shkodër kundër Kroacisë e më pas në Poloni kundër Ukrainës.

Kritiku më i ashpër ishte Ismet Munishi, trajneri që para dy vjetësh shpalli kampion Vushtrrinë. Ai thotë se është gabim i seleksionuesit Albert Bunjaki që ka injoruar totalisht Superligën e Kosovës. Thotë se pikat e vetme të ndritshme të ekipit kosovar në duelet kundër Kroacisë dhe Ukrainës ishin futbollistët që kanë dalë nga futbolli i Kosovës: si Milot Rashica, Bernard Berisha, Amir Rrahmani dhe Vedat Muriqi...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.