Kosova U-21 në hendboll mëson kundërshtarët për kualifikimet e Botërorit 2017

10 Tetor 2016 - 15:32      

Është hedhur shorti për kualifikimet e Kampionatit Botëror në hendboll për grupmoshën U21 në konkurrencën e meshkujve, bën të ditur Federata e Hendbollit të Kosovës.

FHK konfirmon se Kosova për kundërshtarë në këto kualifikime do ta ketë Slloveninë, Sllovakinë dhe Ukrainën, transmeton Koha.net.

“Kombëtaret janë të ndara në 7 grupe nga 4 skuadra, dhe sipas shortit nikoqir të turneve kualifikuese, që do të zhvillohen nga data 5-8 janar 2017, do të jenë skuadrat e renditura në vendin e 2, dhe nëse ajo heqë dorë nga organizimi nikoqir do të jetë skuadra e renditur në vendin e 3, kurse në rast se edhe kjo heqë dorë nga organizimi atëherë nikoqir i turneut do të jetë skuadra e renditur në vendin e 4 sipas shortit (Kosova është e renditur në vendin e 4-të)”, thotë FHK.

FHK beson se me angazhimin e henbollistëve kosovarë që luajnë në klube evropiane si Etrit Xhafolli, Luigj Quni, Rinor Avdulli, e Valon Istrefi përfaqësuesja e Kosovës U-21 ka kompletuar ekipin dhe do të jetë konkurrent i fortë.

© KOHA. Të gjitha të drejtat janë të rezervuara.