Rosberg, pranë titullit në F1

10 Tetor 2016 - 08:48      

Piloti gjerman i Mercedesit, Nico Rosberg, ka bërë një hap para drejt titullit në Formula 1 me një fitore dominante të dielën në garën e Shpërblimit të Madh të Japonisë. Ishte kjo fitorja e parë e Rosbergut në Suzuka. Ndërkohë skuderia e Mercedesit me këtë fitore ka siguruar titullin e tretë rresht të konstruktorëve.

Rosberg, që ka nisur garën nga pozita e parë startuese, kurrë nuk u rrezikua seriozisht dhe përfundoi garën 4.9 sekonda para holandezit të Red Bullit, Max Verstappen, përcjell Koha Ditore. Britaniku i Mercedesit, Lewis Hamilton, përfundoi i treti, duke u rikthyer pas një starti të keq.

Rosberg ka rritur epërsinë në krye të renditjes në 33 pikë para Hamiltonit, ndërsa deri në fund kanë mbetur edhe katër gara. Rosbergu 31-vjeçar mund të fitojë titullin e parë të tij në F1 pa pasur nevojë për të fituar ndonjë nga garat e mbetura.... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA