Berisha flet për gabimin ndaj Spanjës

9 Tetor 2016 - 23:24      

Portieri shqiptar Etrit Berisha ka sqaruar gabimin e tij në pësimin e golit të parë në humbjen 2 me 0 nga Spanja.

Ai ka thënë se kishte në mend që të pasonte te një mbrojtës, por vetë mbrojtësi i kishte thënë të largonte topin pasi ishte i bllokuar. Në këtë rast Berisha thotë se nuk arriti të gjuante ashtu si mendoi dhe thotë se po të mos pësonte këtë gol, Shqipëria me gjasë do të mbahej pa pësuar në këtë ndeshje.

“U mundova që ta vazhdoj lojën te krahu tjetër, por para se të pasoja topin, mbrojtësi më tha të largoja topin, por në atë moment nuk shkoi ashtu siç duhej dhe terreni ishte pak i vështirë, por janë gjëra që ndodhin. Normalisht më vjen shumë keq pasi në pjesën e parë u mbrojtëm mirë dhe hymë në pjesën e dytë me atë motivim por pas atij goli pësuam rënie”, ka deklaruar Berisha pas ndeshjes.

© KOHA. Të gjitha të drejtat janë të rezervuara.