Ujkani: Kemi mundur të bëjmë më shumë

9 Tetor 2016 - 20:29      

Portieri i Kosovës, Samir Ujkani pas takimit ndaj Ukrainës është shprehur se skuadra zhvilloi një ndeshje shumë të mirë, por që ekipi ka mundur të bëjë më shumë.

Kosova pësoi edhe ndaj Ukrainës me rezultat të thellë prej 3-0, transmeton Koha.net. Ujkani ka thënë se rezultati ka mundur edhe të rikthehej.

“Kemi luajtur një ndeshje shumë të mirë. Goli i parë erdhi pasi nuk e dhamë ne golin. Golat e dytë dhe të tretë erdhën në një moment shumë të keq. Duhet t’i analizojmë ato pasi nuk bën të na ndodhin më. E dimë se kemi mundur të bëjmë shumë më shumë. Kemi mundur të rikthejmë rezultatin, Berisha goditi shtyllën, krijuam raste me guxim, por duhet të punojmë shumë pasi jemi në rrugë të dejtë”, ka thënë Ujkani.

© KOHA. Të gjitha të drejtat janë të rezervuara.