Bradley hap rrugën për trajnerë të tjerë amerikanë në Evropë

8 Tetor 2016 - 13:07      

Trajneri i skuadrës angleze Swansea City, Bob Bradley, mund të hapë një front të ri për trajnerët amerikanë që kanë ambicie për të drejtuar ekipet e ligave më të mëdha të Evropës. Kështu thotë ish-portieri i Përfaqësueses së SHBA-së, Kasey Keller, shkruan sot Koha Ditore.

Në lëvizjen që befasoi gjithë opinionin e futbollit, ekipi nga Premier League bëri 58-vjeçarin Bradley, trajnerin e parë amerikan në elitën e futbollit anglez pas shkarkimit të italianit Francesco Guidolin.

Fati i Swanseat dhe reputacioni i Bradleyt janë në një vijë të hollë, por Keller insiston se për ish-seleksionuesin e SHBA-së, është një mundësi e mirë për t'i treguar aftësitë që posedon. Mbi të gjitha, Keller thotë se puna e Bradleyt te Swansea do të jetë një vitrinë për të treguar se sa shumë është zhvilluar futbolli në SHBA në vitet e fundit.

Keller është njëri prej lojtarëve të parë amerikanë që ka thyer barrierat, duke u transferuar nga SHBA-ja në Evropë. Ai gjatë viteve ‘90 ka qenë portier i disa skuadrave angleze, duke përfshirë këtu Leicester Cityn, Tottenhamin e Millwallin...(Artikullin e plotë mund ta lexoni në numrin e sotëm të Kohës Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.