Nacho dhe Vitolo e cilësojnë Shqipërinë kundërshtar të vështirë

7 Tetor 2016 - 18:14      

Barazimi me Italinë është hedhur pas krahëve nga Spanja që tashmë është foksusuar maksimalisht te përballja kundër Shqipërisë, të dielën në “Loro Boriçi”.

Në prononcimin e tyre për faqen zyrtare të Federatës Spanjolle, mbrojtësi Nacho dhe sulmuesi Vitolo flasin për pritshmëritë që kanë nga sfida e Shkodrës.

Lojtari madrilen paralajmëron shokët e skuadrës, duke theksuar se Shqipëria nuk ka emra të mëdhenj si Italia, por do të jetë një kundërshtar shumë i vështirë.

“Ata kanë një stil loje të rrezikshëm dhe mendoj se janë një skuadër e rrezikshme edhe pse nuk kanë në përbërje emra të mëdhenj. Gjithsesi ne do të kërkojmë me çdo kusht fitoren”, shprehet Nacho.

Në të njëjtën linjë qëndron edhe sulmuesi i Sevillas, Vitolo, transmeton Supersport.

“E dimë shumë mirë se Shqipëria, ndryshe nga Italia nuk është një skuadër shumë e njohur por duhet të jemi shumë të kujdesshëm sepse do të na i vështirësojë shumë punën. Është një kundërshtar i vështirë dhe ne duhet të jemi edhe më të motivuar se në ndeshjen me Italinë”, ka thënë ai.

Po në faqen zyrtare të federatës spanjolle, bëhet me dije se mesfushori i Atletico Madrid, Saul Nigez nuk do të jetë pjesë e skuadrës ‘La Roja’ për sfidën e “Lor Boriçi” për shkak të një dëmtimi. Ai është rikthyer në Madrid për të ndjekur fazën e rehabilitimit.