Përdedaj: Duhet të ngremë kokën lartë

6 Tetor 2016 - 23:40      

Fanol Përdedaj ka deklaruar se lojtarët e përfaqësueses së Kosovës janë shumë të mërzitur për humbje ne thellë nga Kroacia, por thotë se duhet të përgatiten për ndeshjen e ardhshme ndaj Ukrainës.

Kosova pësoi 6 me 0 në Shkodër nga Kroacia, ndërsa mbrojtësi i Kosovës thotë se tani nuk është koha që lojtarët të mendojnë më për këtë ndeshje, por duhet të mendojnë vetëm për ndeshjen e së dielës në Poloni.

“Jemi shumë të hidhëruar. Duhet të ngremë kokën lartë. Jemi shumë keq. Shënuan shumë gola. E dinim se janë ekip i mirë, por u zgjuam vonë nga gjumi. Me pas jep një gol në pjesën e parë, kish ndryshuar loja. Humbëm 6 me 0 duhet të shohim për ndeshjen me Ukrainën”, ka deklaruar për KTV-në Përdedaj.

© KOHA. Të gjitha të drejtat janë të rezervuara.