Kosova do vishet për katër vjet nga firma spanjolle "Kelme"

6 Tetor 2016 - 10:32      

Federata e Futbollit e Kosovës (FFK) gjatë kohës sa ekipi po kryente stërvitjen e fundit për ndeshjen eliminatore kundër Kroacisë, të mërkurën mbrëma, ka firmosur kontratë sponsorizimi me kompaninë e njohur të veshmbathjeve sportive "Kelme" nga Spanja, shkruan sot Koha Ditore.

Marrëveshja është firmosur për katër vitet e ardhshme, që do të thotë se "Kelme" do të jetë sponsor teknik për eliminatoret e botërorit 2018 dhe ato të evropianit 2020.

E veçanta e kësaj marrëveshjeje, është se kompania spanjolle ka shprehur dëshirën që krahas ekipit A, të furnizojë të gjitha ekipet tjera zinxhir të Kosovës. Kryetari i FFK-së, Fadil Vokrri, është shprehur i kënaqur me kushtet e ofruara nga "Kelme", të cilat sipas tij ishin më të favorshmet krahasuar me kompanitë e tjera.

Ai ka pranuar se FFK-ja, ka negociuar edhe me disa kompani e tjera rreth sponsorizimit teknik, por nuk ka dashur të zbulojë emrat, sikur as shumën që mund të ketë përfituar federata nga kjo marrëveshje...(Tekstin e plotë lexojeni sot në Koha Ditore).

(Tekstin e plotë lexojeni sot në Koha Ditore).

© KOHA. Të gjitha të drejtat janë të rezervuara.