Kosova në Shkodër, për të shkruar faqe të re të historisë

5 Tetor 2016 - 08:38      

Përzgjedhësi i përfaqësueses së Kosovës në futboll, Albert Bunjaki, ishte një nga të parët që u ngjit shkallëve të autobusit. Pas tij edhe stafi i përfaqësueses dhe futbollistët.

Të martën rreth orës 14:00, nga hoteli “Emerald”, ku edhe ishte vendosur për dy ditë, përfaqësuesja e Kosovës mori rrugën për në Shkodër, ku më 6 tetor në stadiumin “Loro Boriçi” do të zhvillojë ndeshjen e dytë eliminatore kundër Kroacisë, me shpresën për të shkruar një faqe të re të historisë - me shkronja të arta, shkruan sot “Koha Ditore”.

Në orët e mbrëmjes ekipi është vendosur në hotelin e rezervuar për të në qytetin verior të Shqipërisë.

“Do ta nxjerrim maksimumin nga vetja dhe do të mundohemi që Kroacinë të mos e lejojmë të japë maksimumin e saj. Do të mundohemi ta balancojmë situatën dhe të nxjerrim rezultat sa më të mirë”, ka thënë Bunjaki... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.