Bunjaki “thumbon” De Biasin

4 Tetor 2016 - 20:45      

Albert Bunjaki, përzgjedhës i Kosovës në futboll, ka “thumbuar” përzgjedhësin e Shqipërisë Gianni De Biasi për ftesën që ai i ka bërë dy lojtarëve Eros Grezda e Liridon Latifi.

Në një intervistë për tch, Bunjaki thotë se italiani mund t’i ketë ftuar këta dy lojtarë për shkak të frikës që ka pasur se mund t’i ikin.

Ai po ashtu ka thënë se ka pasur kontakte me te dy lojtarët.

“Çështja e lojtarëve është stabilizuar. Sa i përket Grezdës dhe Latifit, unë kam pasur kontakte, por te ne ka shumë konkurrencë në sulm, sepse kam lojtarë të një cilësie shumë të lartë. Ndoshta Shqipëria ka arsye frike që i ka grumbulluar, ne nuk e kemi më këtë strategji. Edhe Kabashin nga Barcelona e kam marrë se ka nivel të lartë, jo se kam frikë mos ikën. Është i lirë të zgjedhë çfarëdo”, tha Albert Bunjaku, trajner i përfaqësueses së Kosovës.