Kovaçiq beson që Kroacia do ta mposhtë Kosovën, pavarësisht mungesave

4 Tetor 2016 - 18:10      

Ylli i Real Madridit, Mateo Kovaçiq, beson që Kroacia pavarësisht mungesave që do të ketë në ndeshjen ndaj Kosovës ka kualitete të mjaftueshme për të fituar.

Kosova dhe Kroacia luajnë të enjten në Shkodër në kuadër të xhiros së dytë në Grupin I kualifikues për Botërorin 2018.

Kroacia ndeshjen ndaj Kosovës do ta luajë pa yjet Luka Modriq, Ivan Rakitiq, Dejan Lovren e Marko Pjaca, që të gjithë të lënduar.

“Është mungesë e madhe largimi i Modriqit, Rakitiqit dhe Lovrenit dhe tani edhe e Pjacas, që po ashtu i jepte ekipit shumëçka. Por pavarësisht mungesave të mëdha ne kemi kualitete të duhura sepse mund t’i zëvendësojmë si ekip. Individualisht, sigurisht, që është e vështirë, por besoj që kemi kualitete të mjaftueshme për të fituar”, ka thënë Kovaçiq për faqen e Federatës së Kroacisë.

© KOHA. Të gjitha të drejtat janë të rezervuara.