“Euro 2020” synimi kryesor i Kosovës në futboll

2 Tetor 2016 - 16:08      

Synimi kryesor i Kosovës në futboll është Kampionati Evropian 2020, ka thënë Albert Bunjaki sot në konferencë për shtyp.

Këto komente Bunjaki i ka thënë sot në konferencë për shtyp në prag të përballjes me Kroacinë, e vlefshme për kualifikimet e Botërorit “Rusia 2018”, raporton Koha.net. Por, është optimist edhe për kualifikimet e Botërorit, në të cilat do të mundohen të befasojnë.

“Ne kemi kombëtare të re, synimi jonë kryesor është arritja në Kampionatin Evropian 2020. Jemi optimist edhe në kualifikimet e Botërorit, por synimi është Evropiani. Dëshirojmë të marrim sa më shumë pikë në këto kualifikime”, ka thënë Bunjaki.

Bunjaki ka komentuar edhe ardhjen e boshnjakut, Adis Nurkoviq, dhe ftesën për Bledar Hajdinin e Trepçës ’89.

“Ardhja e Adis Nurkoviqit është në momentin e duhur, pasi në moshën 30 vjeçare është pjekuria e një portieri. Gjysma e familjes së tij është kosovare dhe është e drejtë e tij që të luajë për ne. Bledar Hajdini me Trepçën ’89 ka bërë paraqitje të mira dhe i kemi dhënë rastin”, ka thënë Bunjaki.

© KOHA. Të gjitha të drejtat janë të rezervuara.