Bunjaki komenton zgjedhjen e Latifit dhe Grezdës për Shqipërinë

2 Tetor 2016 - 15:25      

Trajneri i përfaqësueses së Kosovës në futboll, Albert Bunjaki sot në konferencë për media ka komentuar edhe zgjedhjen e Liridon Latifi e Eros Grezda, të cilët ditë më parë janë ftuar në kombëtaren A të Shqipërisë.

Bunjaki ka thënë se ka pasur kontakte me të dy, por ishte zgjedhja e tyre dhe kjo duhet të respektohet, përderisa iu ka uruar suksese me Shqipërinë, raporton Koha.net.

“Kemi pasur kontakte me Latifitn e Grezdën, kjo ishte zgjedhja e tyre. Ne iu urojmë shumë suksese me Shqipërinë”, ka thënë Bunjaki.

Ai më tutje ka thënë se Kosova ka lojtarë për 3 apo 4 kombëtare, të cilët kanë potencialë të madh, ndërsa Kosova i ka yjet e saj.

“Kemi lojtarë për 3-4 kombëtare, lojtarë me shumë potencialë si Rashica, Celina, Berisha e Zeneli. Kosova gradualisht do të rritet, kemi lojtarë të rinj dhe duhet t’iu japim kohë që të ngritën”, ka thënë ai.

Përzgjedhësi i Kosovës ka folur më tutje edhe rreth ekipit që do të përzgjidhet për të luajtur, por ka theksuar se do të ketë ndryshime në këto dy ndeshje kualifikuese kundër Kroacisë e Ukrainës, pasi luhen për një periudhe të shkurtë kohore, më 6 e 9 tetor.

“Vendimi që marrim se kush luan është një vendim që diskutohet. Celina është një lojtarë shumë i rëndësishëm për ne. Jemi gëzuar që ai është transferuar në Twente sepse kishte nevojë për lojë seniore. Do të ketë ndryshime në formacion, pasi kemi dy ndeshje ndaj dy ekipeve shumë cilësore”, ka thënë ai.

© KOHA. Të gjitha të drejtat janë të rezervuara.