Bunjaki: Kjo është gjendja fizike e lojtarëve të përfaqësueses

2 Tetor 2016 - 14:17      

Përzgjedhësi i përfaqësueses së Kosovës, Albert Bunjaki, në një konferencë për media para ndeshjes me Kroacinë, ka bërë publike detaje në lidhje me këtë ndeshje.

Ai bëri me dije se kampi stërvitor zyrtarisht fillon nesër, ndërsa ushtrimet më 4 tetor tha se do të jenë të hapura në stadiumin e Ferronikelit.

“Gjendja e lojtarëve është kjo: Loret Sadiku është i lënduar, Enis Alushi është i lënduar dhe dje kemi marr raportin se ai nuk mund të luajë në asnjërën nga këto dy ndeshje. Erton Fejzullahu vazhdon të jetë i lënduar”, theksoi Bunjaki, raporton Koha.net.

“Kemi kundërshtarë shumë të vështirë. Çelësi kryesor janë durimi dhe koncentrimi, pasi kemi të bëjmë me dy kundërshtarë të nivelit superior, por nuk është e pamundur të fitojmë”, ka shtuar më tej ai.

Bunjaki e pranon se kjo ndeshje do të jetë më e vështirë sesa ajo me Finlandën, kur Kosova regjistroi 15 sulme, megjithatë tha se “do të mundohemi të jemi konkretë”. 

© KOHA. Të gjitha të drejtat janë të rezervuara.