Lazio e Strakoshës mposht Udinesen

1 Tetor 2016 - 22:36      

Skuadra e Lazios ia ka dalë të sigurojë 3 pikë të plota në ndeshjen si mysafire e Udineses, të cilën e mposhti lehtësisht me rezultat 0:3.

Goli i parë në ndeshje erdhi nga Immobile në minutën e 28-të, rezultat me të cilin edhe përfundoi pjesa e parë.

Në të dytën, skuadra mysafire sërish u vërsul në sulm, duke realizuar edhe dy gola tjerë.

Për rezultatin 0:2 u përkujdes Balde Keita, i cili, në minutën e 54-të realizoi pas një asisti nga Anderson, duke mposhtur në mënyrë mjeshtërore mbrojtjen vendëse.

Kur po kalonte minuta e 61-të, sërish shpartallohet mbrojtja e Udineses, dhe tani në skenë doli sërish Ciro Immobile, duke realizuar për rezultatin përfundimtar 0:3.

Skuadra vendëse pati gjithsejtë 3 goditje në drejtim të portierit mysafir, shqiptarit Thomas Strakosha, i cili u përkujdes që rrjeta e portës së tij këtë mbrëmje të mos lëkundej.

Lazio me këtë 3 pikësh renditet në vendin e 3-të me 13 pikë nga 7 ndeshje të zhvilluara, vetëm 2 pikë larg Juventusit në vendin e parë që ka një ndeshje më pak.  

© KOHA. Të gjitha të drejtat janë të rezervuara.