Xhaka do që Arsenali ndaj Burnleyt të luajë si ndaj Chelseat

1 Tetor 2016 - 15:43      

Mesfushori shqiptar, Granit Xhaka ka kërkuar nga bashkëlojtarët e tij paraqitje të njëjtë ndaj Burnleyt si në derbin lokal kundër Chelseat, të cilën e mposhtën me rezultat prej 3-0.

“Jemi duke kaluar në një fazë të mirë, me të cilën jemi të kënaqur. Ne duhet të luajmë të dielën ndaj Burnleyt ashtu siç luajtëm ndaj Chelseat. Duhet t’i qasemi lojës në të njëjtën mënyrë dhe të sigurohemi se në ndeshjet me kombëtare të jemi ende në një fazë pozitive”, ka thënë Xhaka për Sky Sports.

Ai ka thënë gjithashtu se ekipi është duke u munduar që të ketë vazhdimësi dhe t’iu vërtetojë fansave se do të japin gjithçka në çdo ndeshje.

Arsenali ndeshjen e radhës në Premier Ligë e luan të dielën në udhëtim te Burnley.

© KOHA