Skandal në futbollin anglez, futbollistët vënin baste

1 Tetor 2016 - 12:57      

Hetimet e Daily Telegraph zbulojnë çdo ditë detaje të reja për skandalin e futbollit anglez. Këtë radhë kjo e përditshme ka publikuar një video të ish-trajnerit të Premier League, Harry Redknapp, që zbulonte se futbollistët e tij vinin baste për rezultatin e një prej ndeshjeve të tyre.

Në videon e tij, Redknapp theksoi se nuk e mendonte që ky veprim i tyre në atë kohë binte ndesh me rregulloren e Federatës Angleze. Në fakt rregullat e qeverisë së futbollit anglez e theksojnë se lojtarët e kanë të ndaluar të vënë baste për ndeshjet e e tyre dhe se trajnerët duhet të raportojnë nëse ata e bëjnë një gjë të tillë.

Harry Reedknapp, ish-trajner i West Ham, Portsmouth, Southampton, Tottenham dhe Queens Park Rangers, u takua me gazetarët që ishin të maskuar si sipërmarrës nga Lindja e Largët, të cilët kërkonin të ndërhynin në merkaton e transferimeve të futbollit anglez, transmeton TCH.

Skandali i Daily Telegraph fillimisht zbuloi emrin a Sam Allardyce, i cili u largua menjëherë nga pankina e Anglisë, për t'u zgjeruar më pas me emra të tjerë trajnerësh. Për shkak të këtij skandali u largua nga detyra e tij dhe zv/trajneri i Barnsley, Tommy Wright