Alves dëshiron trofeun e Ligës së Kampionëve me Juven

30 Shtator 2016 - 22:06      

Mbrojtësi i Juventusit, Dani Alves, ka insistuar se ekipi i tij i ka të gjitha mundësitë për të fituar Ligën e Kampionëve sivjet.

“Zonja e Vjetër” ka dominuar Serie A-në, por nuk ka fituar asnjë trofe europian që prej vitit 1996.

Alvesi ishte pjesë e ekipit të Barcelonës që mposhti Juven në finalen e Ligës së Kampionëve gjatë vitit 2015, por braziliani dëshiron ta fitojë këtë trofe me kampionin italian.

“Juventusi është ekip i jashtëzakonshëm dhe është në gjendje që të mposhtë secilin ekip në Europë”, ka thënë Alves, i cili ka realizuar dy gola në gjashtë paraqitje për Juventusin.

“Me këtë kualitet vijnë edhe pritjet në çdo garë dhe hap pas hapi ne mund t’ia dalim. Natyrisht nuk do të jetë e lehtë sikur të bëhesh kampion i ligës apo ta fitosh çdo ndeshje të mundshme, por kjo është ajo që pritet nga një klub si Juve”.

© KOHA