Bunjaki: Januzaj e ka derën e hapur

30 Shtator 2016 - 18:28      

Adnan Januzaj ende e ka derën e hapur në Përfaqësuesen e Kosovës, ka thënë trajneri Albert Bunjaki, i cili ka bërë të ditur se më nuk do të mundohen ta bindin Januzajn, por ai duhet ta merr vendimin për t’u bashkuar me Kosovën.

“Nuk ja mbyllim derën Adnan Januzajt, ne kemi shprehur interesim. Nuk ka pasur më tentim për ta bindur Januzajn. Ai duhet të trokit tani në derën e Federatës”, ka thënë Bunjaki, transmeton Koha.net.

Ai ka bërë të ditur se e kishin përcjellë Januzajn që kur ishte 16 vjeçar në një turne.
“Ne e kemi përcjellë atë qysh në moshën 16 vjeçare. Edhe zyrtarisht i kemi shprehur interesim. Me babën e tij nuk kam pasur kontakt, dera për të është gjithmonë e hapur, por asnjë hap më nuk e lëvizim për ta bindur atë”, ka thënë ai.

© KOHA. Të gjitha të drejtat janë të rezervuara.