Xhaka i madh “kërcënon” të voglin

27 Shtator 2016 - 09:56      

Mbrojtësi i FC Baselit, Taulant Xhaka, edhe njëherë ka treguar se po e pret me padurim përballjen me klubin e vëllait të tij Granitit, Arsenalin në kuadër të Ligës së Kampionëve.

Përmes një postimi në Facebook, Taulanti, i cili mbron ngjyrat e kombëtares së Shqipërisë, e ka paralajmëruar Granitin se klubi i tij do të del fitues në këtë përballje.

“Mezi po pres ndeshjen kundër Arsenalit dhe gëzohem që do të takoj vëllanë tim, por ai duhet ta dijë, se ne do dalim fitimtarë nga fusha”, ka shkruar Taulant Xhaka në Facebook, raporton Koha.net.

Taulanti, në një bisedë për “The Telegraph”, ka thënë se Graniti, që mbron ngjyrat e përfaqësueses së Zvicrës, duhet të jetë i durueshëm në Arsenal, por “ai dhe unë e dimë se do të përparojë atje”.

Kujtojmë se Xhakat u përballën për herë të parë mes njëri-tjetrit në kuadër të Euro 2016, njëri për Shqipërinë e tjetri për Zvicrën, ndërsa përballja tjetër mes tyre do të jetë të mërkurën (28 shtator) në kuadër të Ligës së Kampionëve.  

© KOHA. Të gjitha të drejtat janë të rezervuara.