Akili u afrohet medaljeve të mëdha

26 Shtator 2016 - 08:25      

Derisa xhudistet kosovare kanë medalje në të gjitha garat e mundshme, xhudistët kosovarë ende nuk kanë medalje në garat e Turit Botëror të Xhudos, që përfshin garat e nivelit të lartë. Ishte Akil Gjakova që të shtunën lëshoi rast të mirë për të fituar medaljen e parë për Kosovën në Turin Botëror të Xhudos, te xhudistët.

Xhudisti 20-vjeçar ishte në gjysmëfinale të turneut Grand Prix që u mbajt në Zagreb, por në fund dështoi që të fitojë medalje, shkruan Koha Ditore. Ai e humbi luftën gjysmëfinale nga ukrainasi Dmytro Kanivets, ndërsa më pas humbi edhe luftën për vend të tretë nga Sukhrob Tursunov i Uzbekistanit.

"Medalja e dytë e bronztë i takoi Tursunovit që pengoi Akil Gjakovën që të bëhet xhudisti i parë nga Kosova me medalje në IJF Turin Botëror të Xhudos. Xhudistet e Kosovës bëjnë histori nga viti në vit dhe këtë verë me Majlinda Kelmendin fituan edhe medalje të artë olimpike", ka shkruar sajti i IJF-së.

Akil Gjakova garoi në kategorinë deri 73 kilogramë dhe startoi mirë, ndonëse kishte short të vështirë....(më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.