Allegri: Jo lehtë ndaj Dinamo Zagrebit, por duam fitore

25 Shtator 2016 - 09:27      

Trajneri i Juventusit, Masimiliano Allegri, ka thënë se është i lumtur me fitoren kundër Palermos, por ai kërkon nga skuadra e tij që tashmë të përqendrohet në sfidën e radhës.

Kampionët e Italisë të martën mbrëma luajnë në ‘Maksimir’ kundër Dinamos së Zagrebit, në ndeshjen e dytë të fazës së grupeve në Ligën e Kampionëve, transmeton KP.

Tekniku italian thotë se përballja me gjigantin kroat nuk do të jetë e lehtë, por sipas tij, Juve në këtë ndeshje udhëton për fitore.

“Të martën ne duhet të luajmë një lojë të mirë taktike, për shkak se ndeshjet në Evropë gjithmonë janë të vështira”, ka thënë Allegri.

“Nuk do të jetë ndeshje e lehtë, por ne duhet të marrim fitore për të qenë më afër kualifikimit”, tha ai.