Vokrri: Kroatët do t’i presim si vëllezër

24 Shtator 2016 - 10:21      

Kryetari i Federatës së Futbollit të Kosovës, Fadil Vokrri ka folur për ndeshjen e madhe të 6 tetorit në “Loro Boriçi” kundër Kroacisë.

Vokrri është shprehur i gëzuar që ndeshja e parë si vendas është kundër Kroacisë, transmeton Koha.net.

“Të gjithë po e presim, do të jetë ditë historike për ne. Më bëhet qejfi që Kroacia është kundërshtar në debutimin tonë si vendas, do të jetë shumë emotive, pa marrë parasysh që do të luajmë në Shqipëri”, ka thënë Vokrri.

Ai më tej thotë se kjo do të jetë ndeshje vëllazërore.

“Kroacia dhe Kosova janë shtete mike, shumë të afërta, për të mos thënë, vëllazërore. Ashtu do të priten kroatët, me të gjitha nderimet si vëllezër. Asgjë nuk do t’iu mungojë. Kurse në fushë do të mundohemi t’iu shkaktojmë problem, por nuk është e lehtë”, ka shtuar Vokrri.

© KOHA. Të gjitha të drejtat janë të rezervuara.