Në Drenas luhet derbi i vjeshtës

24 Shtator 2016 - 09:20      

Ndonëse Prishtinës i duhet fitorja për të kthyer pozitën e parë në klasifikim, te skuadra e kaltër vlerësojnë se presioni në ndeshjen derbi do të jetë te kampioni në fuqi, Ferronikeli, shkruan sot Koha Ditore.

Ferronikeli e pret Prishtinën të shtunën (sot) në Drenas, në derbin e javës së gjashtë të Vala Superligës së Kosovës në futboll. Ndeshja nis në orën 15:00 dhe pritet të ngjallë interesim të madh tek adhuruesit e futbollit në vend.

Prishtina e humbi pozitën e parë të premten, pas fitores së Trepçës '89 ndaj Lirisë. 89-shi tash është lider me 15 pikë, ndërsa Prishtina ka rënë në pozitën e dytë me 13 pikë. Ferronikeli është i treti me 9 pikë.

"Është ndeshje e dy ekipeve pretendente për titull, dy ekipeve më të kompletuara në ligë. Është derbi i vërtetë, ndërsa mendoj se presioni është në anën e kundërshtarit, pasi luan si vendas. Psikikisht ne jemi më të lehtësuar, ndërsa gjatë javës kemi punuar shumë mirë dhe jemi të gatshëm për ndeshje", ka thënë të premten kapiteni i Prishtinës, mbrojtësi Armend Dallku. Ai ka ftuar tifozët që të jenë prezent në stadiumin në Drenas për të shijuar përballjen e dy prej skuadrave më të mira në vend...(Tekstin e plotë mund ta lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.