PSG-ja pas Carlos Baccas

23 Shtator 2016 - 14:45      

Interesimi i francezëve varet nga paraqitja e tij këtë sezon Paris Saint-Germaini ka filluar të interesohet për sulmuesin e Milanos, Carlos Bacca, por e gjitha varet si do të paraqitet ai me Rossonerët deri në fund të këtij edicioni, transmeton koha.net.

Kolumbiani i cili ishte afër largimit nga Italia këtë verë, por i dështoi transferimi në West Ham United, e filloi edicionin me pesë gola të shënuar në pesë takimet e para. Sipas të përditshmes “Tuttosport”, PSG-ja ishte i interesuar edhe gjatë kësaj vere për të, por nuk arriti marrëveshje për shkak se ky klub e kishte të pamundur të regjistronte në klub lojtar tjetër që nuk është evropian.

Mirëpo, Bacca javë më parë kishte deklaruar se do të qëndrojë te Milan deri sa ta kthejë në Evropë, pasi dëshiron të luajë në Ligën e Kampionëve dhe një gjë të tillë mund ta arrijë me arritjen e investitorëve të rinj kinez.

© KOHA. Të gjitha të drejtat janë të rezervuara.