Fitorja në sekondën e fundit ia ndryshoi jetën Cisses

22 Shtator 2016 - 12:30      

Cheick Sallah Cisse ka thyer zemrat e shumë adhuruesve në Britaninë e Madhe kur shënoi fitore në sekondën e fundit kundër britanikut Lutalo Muhammad, në finalen e taekwondos të kategorisë deri 80 kilogramë në Lojërat Olimpike "Rio 2016", shkruan sot Koha Ditore.

Ishte medalja e parë e artë në Lojërat Olimpike për Bregun e Fildishtë dhe që nga Rio, Cisse 23-vjeçar është bërë hero kombëtar. Atij i është dhuruar një shtëpi dhe po ashtu ka marrë një shpërblim në të holla rreth 75 mijë euro. Nuk është keq për një sportist që ushtron në infrastrukturë të dobët dhe shpesh e ka të vështirë të mbledhë fonde për përballuar koston e stërvitjeve.

Cisse insiston se statusi i ri që ka marrë, nuk do ta shpërqendrojë që të mbrojë titullin olimpik në "Tokio 2020".
"Njerëzit më shohin ndryshe tash, jam bërë simbol nacional. Nuk mund të eci në rrugë pa më njohur, jam bërë yll. Njerëzit afrohen, më urojnë, është shumë mirë dhe prekëse, më jep forcë për të arritur edhe më tepër", ka thënë Cisse...(Artikullin e plotë lexojeni sot në koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.