Prishtina vazhdon të largojë trajnerët e suksesshëm

22 Shtator 2016 - 08:28      

Klubi i kaltër njoftoi se nuk ka arritur marrëveshje për kontratë me Kushtrim Munishin dhe se për këtë është shkëputur bashkëpunimi. Mirëpo, vetë trajneri kosovar mohoi këtë. Ai tha se në pesë xhirot e para ka punuar pa kontratë dhe se kur pa që një e tillë nuk po i ofrohet, la skuadrën, shkruan sot Koha Ditore.

E Munishi nuk është trajneri i vetëm i suksesshëm që ndan rrugët me Prishtinën. Stinorin e shkuar, Fadil Berisha, ia shpëtoi sezonin Prishtinës, duke ia siguruar mbijetesën dhe duke e ndihmuar të fitojë Kupën e Kosovës, por në fund, ai u kthye te gjeneratat e reja të klubit, kurse Munishit iu besua posti i kryetrajnerit. Vendin e Munishit, tash e ka marrë gjermani Lutz Lindemann, që është edhe drejtor sportiv.

Klubi i futbollit, Prishtina, ende nuk e ka humbur asnjërën prej pesë ndeshjeve të zhvilluara këtë edicion në Superligën e Kosovës në futboll. Nën drejtimin e trajnerit Kushtrim Munishi, ka arritur katër fitore e një barazim. Por, Munishi më nuk do ta udhëheqë klubin me më së shumti trofe në Kosovë, Prishtinën.
Rolin e tij e ka marrë gjermani Lutz Lindemann, që po të njëjtën ditë me Munishin, u prezantua si drejtor sportiv...(Artikullin e plotë lexojeni sot në koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.