Volejbollistët kubanë dënohen me burgim për dhunim

21 Shtator 2016 - 09:15      

Pesë volejbollistë të Përfaqësueses së Kubës janë shpallur fajtorë të martën për dhunim të një femre në Finlandë gjatë muajit korrik ku morën pjesë në Ligën Botërore në kuadër të përgatitjeve për Lojërat Olimpike “Rio 2016”.

Gjykata finlandeze i ka ngarkuar gjashtë persona për këtë vepër, e cila ishte kryer në hotelin e qytetit Tampere ku po qëndronte ekipi i Kubës, shkruan Reuters, transmeton “Koha Ditore”. Njëri prej tyre nuk është gjetur fajtor. Gjykata u ka shqiptuar katër volejbollistëve dënim me nga pesë vjet burgim, kurse njërit tri vjet e gjysmë.

Të gjithë volejbollistët kanë mohuar akuzat apo mosmarrëveshjen për marrëdhënien seksuale me gruan, duke insistuar se gjithçka ka ndodhur me mirëkuptim të ndërsjellë.

Volejbollistët që janë prej moshës 19 deri 27-vjeçare, kanë kërkuar nga gjykata finlandeze t'u zbutet dënimi, pasi kanë insistuar se shkaku i publicitetit të këtij rasti, ata kanë humbur kontrata të majme me klubet e tyre... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.