Nga Zagrebi nis rrugëtimi i ri olimpik për xhudistët

20 Shtator 2016 - 12:32      

Turneu "Grand Prix" që mbahet këtë javë në Zagreb të Kroacisë shënon fillimin e rrugës së xhudistëve kosovarë drejt Lojërave të ardhshme Olimpike. Kosova në Zagreb do të jetë pa dy xhudistet më të mira, Majlinda Kelmendi e Nora Gjakova, shkruan sot Koha Ditore.

Majlinda në fillim të gushtit bëri histori duke fituar medalje të artë olimpike në "Rio 2016" dhe këtë vit do të kursehet nga garat e tjera. Ndërkohë Nora Gjakova në Rio garoi e lënduar dhe dështoi të fitonte medalje në kategorinë deri 57 kilogramë.

Ajo iu nënshtrua një operimi javë më parë, ndërsa të hënën së bashku me Leutrime Krasniqin udhëtuan për në Slloveni ku do të vazhdojnë rehabilitimin. Nora pritet të kthehet më vonë këtë vit në gara.

Ndërkohë në Zagreb do të garojnë Fjolla Kelmendi në kategorinë deri 48 kilogramë, Distria Krasniqi në kategorinë deri 52 kilogramë dhe Kushtrim Gashi e Akil Gjakova në kategorinë deri 73 kilogramë. Për Fjollën është gara e parë e Turit Botëror të Xhudos, ku përfshihen garat e nivelit të lartë si turnetë Grand Prix e Grand Slam...(Artikullin e plotë mund ta lexoni në numrin e sotëm të Kohës Ditore).

© KOHA. Të gjitha të drejtat janë të rezervuara.