25 vjet pavarësi - katër muaj të barabartë me botën

20 Shtator 2016 - 10:41      

Ndeshja revyale për nder të 25-vjetorit të pavarësimit të futbollit të Kosovës ndërmjet Flamurtarit dhe Prishtinës, e zhvilluar të hënën, ishte më e veçanta për ish-futbollistët e asaj gjenerate, shkruan sot Koha Ditore.

Ata për herë të parë po luanin të lumtur e pa ngarkesë, pasi synimi i tyre dhe i të tjerëve që nisën procesin e pavarësimit, tashmë është kryer - Federata e Futbollit e Kosovës është bërë anëtare me të drejta të plota në UEFA dhe FIFA.

Në vitet e pasluftës, gati çdo vit është kujtuar kjo ndeshje, e para pas pavarësimit dhe çdo herë është përcjellë me urimin për pranim të FFK-së në organizata ndërkombëtare. Por, të hënën, ishte shumë më ndryshe. Veteranët e këtyre dy skuadrave kishin urime të tjera - për zhvillim më të shpejtë të futbollit.

Ndeshja e së hënës e zhvilluar në stadiumin e Flamurtarit, aty ku para 25 vjetëve nisi rrugëtimi i gjatë dhe plot sakrifica, u fitua nga Prishtina, 3:1. 25 vite më parë pati fituar Flamurtari 3:2, por si atëherë edhe tash, rezultati ishte në plan të dytë.
Qëllimi ishte i madh...(Artikullin e plotë mund ta lexoni në numrin e sotëm të Kohës Ditore).

© KOHA. Të gjitha të drejtat janë të rezervuara.