Fati i futbollit, në duart e dy të panjohurve

16 Shtator 2016 - 11:33      

Nëse për dikë paraqet befasi se si njeriu që deri para pak kohësh nxirrte topat gjatë hedhjeve të shortit për gara, Gianni Infantino, u bë president i FIFA-s, atëherë zgjedhja e Aleksandar Çeferinit në krye të UEFA-s do të duhej të shihej si befasi edhe më e madhe, shkruan sot Koha Ditore.

Ai nuk ishte i njohur jashtë vendlindjes së vet - Sllovenisë. Por, federatat evropiane deshën një njeri totalisht jashtë skemës së vjetër që i solli aq shumë probleme futbollit në vitet e fundit dhe e gjetën - avokatin slloven.

Gati para një viti Gianni Infantino për publikun e futbollit ka qenë i njohur si figurë që nxirrte topat nga vazot për shortin e garave të Evropës, derisa Aleksandar Çeferin ka qenë plotësisht person i panjohur jashtë vendlindjes së vet, Sllovenisë.

Tash kjo dyshe, që të dy me profesion avokatë dhe në mesin e të 40-ve, mbajnë pozitat më të fuqishme në futbollin botëror, duke mbuluar vakuumin e krijuar pas skandalit nën drejtimin e gardës së vjetër.

Infantino udhëheq me FIFA-n, derisa Çeferin të mërkurën, u zgjodh president i UEFA-s, duke e mposhtur kundërkanditatin tjetër, holandezin Michael van Praag...(Më shumë lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.