Katër paralimpistë arrijnë kohë më të mirë se kampioni olimpik

15 Shtator 2016 - 08:54      

Koha e kampionit olimpik në LO "Rio 2016", amerikanit Matthew Centrowitz, në garën e 1.500 metrave, do t'i kishte mjaftuar për t'u renditur i pesti në garën e Lojërave Paralimpike "Rio 2016" në të njëjtën distancë, shkruan sot Koha Ditore.

Në njërin prej momenteve më interesante të historisë së Lojërave Paralimpike, vrapuesi algjerian Abdellatif Baka ka triumfuar në garën e 1.500 metrave dhe së bashku me tre atletë të tjerë, kanë vrapuar më shpejtë se Centrowitz.

Në fakt, Baka vrapoi më shpejt se Centrowitzi për 1.71 sekonda, i cili garën e 1.500 metrave në LO "Rio 2015" e mbylli me kohë prej tre minutash e 50 sekondash për të fituar medaljen e artë. Koha e Bakas është rekord i ri në Lojërat Paralimpike.

"Nuk ka qenë aspak lehtë për ta fituar medaljen e artë. Kam dy vite që stërvitem rregullisht për këtë sukses dhe jam shumë i lumtur për këtë", është shprehur Baka.

Gara e vrapimit në 1.500 metra në LO "Rio 2016" ka qenë shumë e ngadaltë në krahasim me garat e së shkuarës. Centrowitz, edhe pse rrëmbeu medaljen e artë, mbeti shumë prapa rekordit botëror me kohë, për hiq më pak se 24 sekonda.

© KOHA. Të gjitha të drejtat janë të rezervuara.