Marcelo: Duhet të kemi kujdes ndaj Sportingut, vijnë për fitore

13 Shtator 2016 - 14:20      

Në prag të përballjes me Sporting Lisbonën në Ligën e Kampionëve mbrojtësi i Real Madridit, Marcelo është shprehur se ekipi i tij do të sulmojë me entuziazmin e njëjtë për t’i kënaqur fansat e klubit.

Marcelo gjithashtu ka vlerësuar lart shpirtin e ekipit, që sipas tij është shumë i rëndësishëm për sukses, transmeton Koha.net.

“Do të sulmojmë me të njëjtin entuziazëm si gjithmonë, duam të kënaqim fansat dhe të fitojmë gjithë titujt. Është një atmosferë e mrekullueshme në ekip dhe kjo ka rëndësi më së shumti”, ka thënë Marcelo, raporton Marca.

Për këtë atmosferë në ekip ai ka falënderuar trajnerin, Zinedine Zidane.

Marcelo gjithashtu ka kërkuar që të respektohet kundërshtari, duke e cilësuar si një ekip shumë të mirë Sportingun, që sipas tij do të kërkojnë fitoren.

“Sporting është një ekip i madh. Kam folur me Cristianon dhe e dimë se duhet t’i respektojmë sepse ata do të vijnë për fitore”, është shprehur braziliani.

© KOHA