Zidane paralajmëron rivalët në Ligën e Kampionëve

13 Shtator 2016 - 14:06      

Përderisa e ka ekipin e gatshëm për ndeshjen e parë në Ligën e Kampionëve kundër Sporting Lisbonës, Zinedine Zidane është shumë i lumtur me rikthimin e Cristiano Ronaldos.

“Ai është i gatshëm të luajë, dëshiron të luajë dhe kjo është. Ideja është që ai të luajë 90 minuta, por do të shohim gjatë ndeshje pasi mund të ndodhë çdo gjë”, është shprehur Zidane në konferencë për media, raporton Marca.

Ai më tutje është shprehur se e di rëndësinë e kësaj gare, por ekipi i tij është i gatshëm që të luftojë për ta mbrojtur titullin, transmeton Koha.net.

“Jemi të lumtur që fillojmë përsëri, e dimë rëndësinë e kësaj gare dhe lojtarët janë, të gjithë jemi gati. Gjithmonë do të ketë shumë ekipe që do ta fitojnë Ligën e Kampionëve, por duhet të garoni. Lajmi i mirë është se ne jemi të përgatitur që të shkojmë në luftë dhe të fitojmë përsëri”, është shprehur Zidane.

© KOHA