Besa e Prishtina ndajnë pikët, fitojnë Liria e Trepça ‘89

11 Shtator 2016 - 17:13      

Besa dhe Prishtina kanë ndarë pikët në kryederbin e javës së katërt, duke luajtur baras 1-1, të dielën në ‘Shahin Haxhiislami’ të Pejës.

Ballafaqimi mes dy rivalëve të vjetër, ka dhënë lojë të kënaqshme, më aksione të mira, raste të shumta dhe dy gola të shënuara.

B.Khalid (17’) kalojë në epërsi Prishtinë, rezultat më të cilin ekipet shkuan në pushim, transmeton KP.

Në pjesën e dytë të lojës, pejanët bën presion të madh drejt portës prishtinase, dhe në minutën e fundit të ndeshjes, Qemail Elshani gjen rrugën e golit, duke ia siguruar një pikë Besës në këtë ndeshje tejet të rëndësishme.

Fitore bindëse në këtë fundjave ka arritur Liria e cila në shtëpinë e saj mundi Dritën, me rezultat 3-1. Korenica (1’), Blendi Memaj (47’,) dhe Alban Shilova (53’) u përkujdesën për fitoren e prizrenasve, kurse, golin e nderit për gjilanasit e realizoi Blagoje Glaveski.

Pikët maksimale në javën e katërt i ka siguruar edhe Trepça ’89, e cila në ‘Riza Lushta’ mundi Llapin, me rezultat 3-0. Florent Hasani (28’) dhe Fidan Hasani (dygolësh) shënuan për fitoren e ‘minatorëve’.

Superliga / Java e 4-të

Rezultatet

Besa – Prishtina 1-1

Liria – Drita 3-1

Trepça ’89 – Llapi 3-0

Feronikeli – Ferizaj 2-1

Dje

Gjilani – Drenica 2-0

Hajvalia – Trepça 1-1

Tabela:

1.Prishtina 10

2.Gjilani 9

3.Trepça ’89 9

4.Besa 8

4.Drenica 7

5.Feronikeli 6

6.Llapi 6

8.Liria 6

9.Ferizaj 3

10.Drita 3

11.Trepça 1

12.Hajvalia 1