Mourinho i qetë para derbit të qytetit

9 Shtator 2016 - 15:25      

Menaxheri i Manchester Unitedit, Jose Mourinho, ka mohuar zërat se derbi i nesërm kundër rivalit të qytetit, Cityt, do të jetë vendimtar në garën për titullin e Premier Ligës.

Dy ekipet do të nisin takimin me tre fitore rresht në ndeshjet e para, por Mourinho ka insistuar se nuk ka ndeshje më të rëndësishme se tjerat në fazën e hershme të sezonit.

“Jam i qetë. Për ne, është veç një ndeshje dhe për mua veçanërisht është e tillë. Ne do të luajmë dhe do të tentojmë të fitojmë titullin. Kur ju e bëni këtë atëherë të gjitha ndeshjet janë të rëndësishme kur je në këtë fazë të sezonit”, ka thënë Mourinho.

“E di se çfarë do të thotë derbi për njerëzit; kam luajtur shumë derbi; në çdo shtet, në shumë qytete. Unë dua të kontrolloj ndjenjat sepse është veç një ndeshje kundër një kundërshtari të mirë. Nëse dëshironi të jeni të suksesshëm dhe të fitoni ndeshjet atëherë duhet të jemi në topformë”.

© KOHA