Fluksi drejt Kosovës do të vazhdojë edhe në shtator

9 Shtator 2016 - 09:14      

Kosovës i duhen edhe disa lojtarë në mbrojtje për të kompletuar ekipin për vazhdimin e eliminatoreve për botërorin e futbollit "Rusia 2018”. Kështu ka thënë të enjten përzgjedhësi i Kosovës, Albert Bunjaki, shkruan sot Koha Ditore.

Kosova të hënën luajti ndeshjen e saj të parë zyrtare, kur në qytetin Turku barazoi 1:1 me Finlandën. Për disa nga lojtarët ajo ishte ndeshja e parë me Kosovën, pasi në javët e fundit të gushtit ishin larguar nga përfaqësuese tjera për t'iu bashkuar Kosovës.

Por lojtarë që do të largohen nga përfaqësuese tjera për të luajtur për Kosovën do të ketë ende, ka thënë Bunjaki. Prioritet për të është rritja e konkurrencës në mbrojtje, sidomos afrimi i një mbrojtësi të djathtë dhe një mbrojtësi të majtë, për të rritur konkurrencën për Fanol Perdedajn përkatësisht Leart Paqaradën. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.