Maliqi: Kam dëshirë që Kosovën ta shoh në Rusi

6 Shtator 2016 - 23:57      

Futbollisti i Feronikelit, Behar Maliqi, në emisionin “Interaktiv” të KTV-së, ka thënë se çdo futbollist kosovarë ëndërron që të luajë për Kosovën, derisa ka shtuar se nëse vazhdon të luajë futboll të mirë, asnjë përfaqësuese në grup nuk do të mund ta mposhtë përfaqësuesen e re europiane.

Duke folur për ndeshjen e parë të Kosovën në garat ndërkombëtare, Maliqi ka thënë se pika më e lartë e një futbollisti kosovar është përfaqësuesja.

“Është emocionuese ta shikosh ndeshjen e parë të Kosovës. Është emocion i papërshkrueshëm vetëm ta shikosh ndeshjen, e lëre më të luash për përfaqësuesen”, ka thënë Maliqi, i cili ishte i bindur se Kosova ka mundur të dalë me fitore nga Turku.

“Dominuan gjatë tërë ndeshjes. Kosova luajti shumë mirë dhe është mëkat që nuk morën tre pikët. Para ndeshjes nuk kam besuar se kemi përfaqësuese aq të fortë. Nëse mbesin këta lojtarë, atëherë pritet të kemi përfaqësuese shumë të fortë”, ka shtuar ai.

“Kam dëshirë që ta shoh Kosovën në Rusi. Nëse vazhdon të luajë si mbrëmë, atëherë nuk ka asnjë përfaqësuese që do të na ndalë”.

© KOHA. Të gjitha të drejtat janë të rezervuara.