Krasniqi: Pas dy-tre vjetësh Kosova do të jetë shumë e fuqishme

6 Shtator 2016 - 23:42      

Trajneri Ramiz Krasniqi në emisionin “Interaktiv” të KTV-së, është shprehur i lumtur me paraqitjen e Kosovës në ndeshjen kundër Finlandës, duke thënë se pas dy apo tre vjetësh përfaqësuesja në futboll do të jetë fuqi në Europë.

Ai ka theksuar se janë mbi 40 kërkesa të lojtarëve që luajnë nëpër Europë, që duan ta përfaqësojnë Kosovën.

“Janë mbi 40 kërkesa nga jashtë për të përfaqësuar Kosovën. Dhjetë kanë treguar cilësi shumë të lartë. Do të kemi përfaqësuese shumë të mirë. Nuk jam i befasuar me rezultatin e mbrëmshëm. Përvoja është mangësi e kësaj përfaqësuese, por mosha e tyre është e mrekullueshme”, ka thënë trajneri Krasniqi.

“Komponimi i skuadrës brenda dy apo tre vjetësh, paramendojeni çfarë fuqie do të jetë përfaqësuesja e Kosovës”, ka shtuar ai.

© KOHA. Të gjitha të drejtat janë të rezervuara.