David Silva kërkon fitore kundër Unitedit

6 Shtator 2016 - 19:41      

Ylli i Manchester Cityt, David Silva, ka insistuar se ai dhe bashkëlojtarët e tij nuk do të jenë të kënaqur me asgjë tjetër përveç fitores ndaj Manchester Unitedit.

Të shtunën do të përballen ekipet e qytetit të Manchesterit dhe kjo do të jetë hera e parë për Pep Guardiolan dhe Jose Mourinhon që përballen në Premier Ligë.

Të dy ekipet kanë shënuar fitore në tre ndeshjet e para të ligës, por City prin në tabelë shkaku i gol dallimit.

“Kemi filluar sezonin mirë dhe duhet të jetë një ndeshje e mirë, por ne nuk do të luajmë për barazim”, ka thënë Silva për “Cope”.

“Ne synojmë fitoren. Është stadium në të cilin gjërat kanë shkuar mirë për ne. E dimë se janë rivalë të vështirë, por ne nuk luajmë për barazim”.

© KOHA