Bernard Berisha ka një dedikim të posaçëm për suksesin e parë në kualifikime

5 Shtator 2016 - 23:06      

Bernard Berisha, futbollisti që fitoi penalltinë për Kosovën e ka quajtur të suksesshme paraqitjen në ndeshjen e parë të përfaqësueses kundër Finlandës, në kualifikimet për Botëror.

“Këtë sukses ia dedikojmë të gjithë atyre që dhanë jetën që ne të mund të luajmë sot për Kosovën”, ka thënë Berisha.

Ai ka thënë se trajneri është duke punuar shumë mirë dhe se të gjithë janë duke dhënë maksimumin.
“Secili ekip, secila kombëtare ka një lojtar që i jep zemër ekipin dhe unë po mundohem që ta bëjë këtë. Dëshira për fitore dhe për t’i bërë krenarë të gjithë shqiptarët na bëri që të jemi më euforikë dhe më të shtresuar”, ka thënë Berisha.

© KOHA. Të gjitha të drejtat janë të rezervuara.