Berisha kreu një amanet me golin e parë për Kosovën

5 Shtator 2016 - 23:04      

Valon Berisha ka kryer një amanet me golin e parë që e ka shkruar, për të hyrë në histori si golashënuesi i parë në një ndeshje zyrtare kualifikuese për një garë të madhe të futbollit.

“Ndjenjë shumë e mirë, e kam pas ëndërr. Axha më ka thënë ‘pash Zotin që e jep golin e parë për Kosovën’ dhe unë e dhashë. Pata dëshirë me marrë penalltinë dhe lojtarët më përkrahën”, ka thënë Berisha.

Ai ka thënë se strategjia ishte që të luajnë fortë në mbrojtje e tani të sulmojmë.
“Kemi pasur shansa shumë të mira në pjesën e parë, që me pak fat mund t’i shënonim edhe 2-3 gola dhe ta fitonim këtë ndeshje. I falënderoj të gjithë shqiptarët që na kanë përkrahur prej fillimit deri në fund”, ka thënë Berisha.

© KOHA. Të gjitha të drejtat janë të rezervuara.