Trajneri Angelowski: Shqipëria e fortë, por duam fitoren

5 Shtator 2016 - 12:08      

Sfida e sotme ka një rëndësi të veçantë jo vetëm për kombëtaren shqiptare por edhe për atë maqedonase. Kjo përfaqësuese kërkon të ringrihet dhe një fitore në “Loro Borici” do të ishte starti më i mirë i mundshëm.

Trajneri Igor Angelowski vlerësoi në maksimum kuqezinjtë por theksoi se ekipi i tij do të bëjë gjithcka të mundur për të shkëputur pikët maksimale.

Më tej ish tekniku i Rabotniçkit nuk nguroi t’i cilësonte si thelbësor për skuadrën e tij lojtarët me origjinë shqiptare që përfaqësojnë ngjyrat e Maqedonisë.

Në të njëjtë linjë në lidhje me sfidën ndaj Shqipërisë ishte edhe sulmuesi i Aek Larnakas, Ivan Trickovski, madje ky fundit e konsideroi favorite kombëtaren kuqezi.

Përfaqësuesja e Maqedonisë vjen nga një periudhë e errët, megjithatë lojtarët cilësor nuk i mungojnë ekipit të drejtuar nga Igor Angelovski.