Kuqi: Në kohën time Finlanda ishte shumë më e fortë

5 Shtator 2016 - 09:37      

Finlanda asnjëherë nuk është kualifikuar për kampionat botëror apo kampionat evropian të futbollit. Por Finlanda para një dekade ishte bindshëm më cilësore se përfaqësuesja aktuale e Finlandës.

Kështu të paktën ka vlerësuar Shefki Kuqi, sulmuesi që për Finlandën ka shënuar tetë gola në 62 paraqitje, shkruan sot “Koha Ditore”. Kuqi, që është nga Vushtrria, për Finlandën ka luajtur prej vitit 1999 deri në vitin 2010.

Aktualisht është trajner i skuadrës finlandeze Inter Turku. Inter Turku ndeshjet si vendas i luan në stadiumin “Veritas”, ku të hënën (sot) nga ora 20:45, Finlanda e pret përfaqësuesen e Kosovës në futboll në ndeshjen e parë të eliminatoreve për botërorin “Rusia 2018”.

Për Kosovën kjo është ndeshje historike, është e para zyrtare. Kuqi, që është ndër emrat më të njohur të futbollit kosovar, do të jetë në stadium për të përcjellë ndeshjen.

Në një intervistë për gazetën 39-vjeçari ka thënë se ndeshja me Kosovën, Finlandën nuk e gjen në momentin më të mirë të saj... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.