Berisha beson në ekipin e Kosovës

2 Shtator 2016 - 21:50      

Anësori Bernard Berisha, ka thënë se Kosovën po e pret një ndeshje e vështirë ndaj Finlandës, por ka shprehur besimin se përfaqësuesja kosovare do të ketë fillim të mirë në eliminatoret “Rusia 2018”.

Berisha është në mesin e lojtarëve të grumbulluar për ndeshjen që do të zhvillohet më 5 shtator kundër Finlandës, por anësori ka thënë se nuk mendojnë asgjë tjetër përveç fitores.

“Do të jetë një ndeshje e vështirë por unë kam besim se do të kemi një fillim të mirë. Jemi duke punuar me zell e përkushtim dhe nuk mendojmë ndryshe veç se për fitore. Atmosfera është jashtëzakonisht e mirë që premton shumë”, ka thënë Berisha.

“Kemi analizuar mirë kundërshtarin dhe presim që të gëzohemi të gjithë. T’i gëzojmë adhuruesit dhe popullin e Kosovës”.

© KOHA. Të gjitha të drejtat janë të rezervuara.