Besa kërkon sukses të ri në Evropë

2 Shtator 2016 - 11:40      

Me tre lojtarë të huaj me përvojë në përbërje, Besa Famiglia synon që të paktën të kalojë raundin e parë në garat e Kupës së EHF-së në hendboll. Kampionia kosovare ka mbajtur në përbërje dy kroatët e Bosnjës, Goran Biljaka e Ante Kukrika, që luajnë në pozitën e bekut. Atyre ua ka shtuar qendrën Nejc Poklar që vjen nga Sllovenia dhe që po ashtu ka përvojë të gjatë në hendbollin evropian.

Besa në raundin e parë kualifikues të Kupës së EHF-së përballet me Dukla Pragën e Çekisë. Ndeshja e parë luhet të shtunën (nesër) në Pejë nga ora 19:00. Ndërkohë ndeshja e kthimit do të luhet në Pragë të shtunën e ardhshme, shkruan Koha Ditore.

Besa ka vite që dominon hendbollin kosovar dhe paraqitet rregullisht në gara evropiane. Është bindshëm skuadra më e organizuar e hendbollit në vend dhe ngadalë ka nisur që të ketë sukses edhe në Evropë.

"Ka tre vjet që jam në Kosovë dhe njerëzit në klub ishin korrektë ndaj meje. Për këtë nuk kishte arsye për të ndryshuar mjedis, ndonëse kam pasur disa oferta", ka thënë Biljaka të enjten për gazetën.

Ai vlerëson se Besa është përforcuar ndjeshëm në krahasim me edicionin e kaluar... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.