Mesazhi i Vokrrit për yjet e Zvicrës

30 Gusht 2016 - 00:10      

Fadil Vokrri, kryetar i Federatës së Futbollit të Kosovës, ka thënë në Interaktiv të KTV-së se yjet kosovare të Zvicrës nuk po kanë garanci të luajnë për Kosovën dhe kjo po shkakton probleme për të vendosur për të ardhmen.

Sidoqoftë, ai thotë se frika e tyre se nëse FIFA refuzon aplikimet për të luajtur për Kosovën mund t’u shkaktojë probleme me Zvicrën, duhet të largohet sepse kualitetet që kanë do të detyrojnë Zvicrën t’i kthejë në ekip.

“Më së shumti që më brengos është fakti që Zvicra mund t’u nxjerrë probleme yjeve tanë. Ne nuk po mund t’u japim garanci atyre dhe të paragjykojmë se çfarë vendimi do të marrë komisioni i FIFA-s për ta. Por duke marrë parasysh kualitetet e tyre nuk njoh shtet që mund të punojë kundër vetvetes. Ata në fillim mund të penalizohen për një kohë të shkurtër, por kualiteti i tyre do t’i kthente në ekip”, ka thënë Vokrri.

© KOHA. Të gjitha të drejtat janë të rezervuara.