Ragip Xhaka: Graniti e kishte të pamundur t’i bashkohej Kosovës

29 Gusht 2016 - 08:04      

Mesfushori kosovar Granit Xhaka do të vazhdojë të luajë për përfaqësuesen e Zvicrës.

Xhakës, 23-vjeçar, kalimin në përfaqësuesen e Kosovës ia ka mohuar shtëpia botërore e futbollit, FIFA.

Kështu të paktën ka thënë të dielën për gazetën babai i Granitit, Ragipi.

Ai ka bërë të ditur se edhe Taulanti, vëllai i madh i Granitit, do të vazhdojë të luajë për Shqipërinë, shkruan sot Koha Ditore.

Ragip Xhaka më shumë flet për Granitin, për të cilin thotë se ka qenë edhe interesi më i madh i Federatës së Futbollit të Kosovës.

Ragip Xhaka ka treguar se ka pasur biseda të rregullta me kryetarin e FFK-së, Fadil Vokrri, nënkryetarin Bekim Haxhiu dhe selektorin Albert Bunjaki për çështjen e Granitit.

Por, ai thotë se ndërrimi i përfaqësueseve ka qenë i pamundur, meqë një gjë të tillë nuk e lejon FIFA.... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.